Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Dantz'Hadi 2006 Basusarrin

Dokumentuaren akzioak

Dantz'Hadi 2006 Basusarrin

dantzan.com
2006/07/11 12:46
Bihar, uztailaren 12an, abiatuko da Basusarrin Xirimola elkarteak antolatutako Dantz'Hadi 2006 dantza tradizionalen jaialdia. Euskal dantzen ikastaroak izango dira goizetan Agnes eta Patxi Perez-en eskutik, eta bazkalostean dantzaldiak. Bi gauetan ere dantzaldiak izango dira Basusarriko plazan.

Uztailaren 12tik 14ra burutuko da Dantz'Hadi Basusarrin, eta jaialdia borobiltzeko uztailaren 15ean, larunbatean, Errenteriako Erromeria egunera txangoa egingo da. Anges Perez-eko Tafallako jota eta Ingurutxoa irakatsiko ditu, eta Patxi Perez-eko Garaziko Kadrile eta Telletxea familiaren fandangoa. Italiako dantzak ikasteko aukera izango da Rosi Traverso-rekin, eta Marilyn Simon-ek Gaskoinako datzak irakatsiko ditu.

Hona egitaraua osorik.


Dantz'Hadi 2006

Uztailaren 12tik 14ra, Basusarriko Herriko Plazan.

Uztailak 12, asteazkena
19.00: Aperitifa
20.00: Dantz'hadi afaria (Izena eman beharra dago)
22.00: Burgaintzi txarangarekin erromeria

Uztailak 13, osteguna

Euskal dantzen ikastaroa (Agnes Perez)
9.30 - 12.30: Tafallako Jota
14.30 - 17.00: Ingurutxoa
19.00: Dantza gaskoinak ikasteko hasiera tailerra Marilyn Simon-ekin.
21.00: Hainbat talderekin dantzaldia: Hernaniko Musika Eskola, Duo Cozian-Oberlé, Kokin. Euskal Herriko eta Gaskoinako errepertorioa

Uztailak 14, ostirala:

Euskal dantzen ikastaroa (Patxi Perez)
9.30 - 12.30: Garaziko Kadrilea
14.30 - 17.00: Telletxea familiaren fandangoa
19.00: Italiako lau herrialdetako dantzak ikasteko hasiera tailerra Rosi Traversorekin.
21.00: Hainbat talderekin dantzaldia: Zézé, La Banda Brisca, Patxi eta Konpania. Euskal Herriko, Italiako eta haratagoko errepertorioa Casimir Potomskik gidatuta.

Uztailak 15, larunbata:

Txangoa Errenteriako Erromeria Egunera (Guipuzkoa)

Tailerrak eta dantzaldiak dohain dira. Dantza ikastaroak: 13 € egun-erdi bakoitzeko (tarifa gutxitzeak: 2 egun-erdi 22 €, 3 egun-erdi 27 €, 4 egun-erdi 32 €). Izen emateak tokian bertan egingo dira.

Informazio gehiago eta kontaktua: Xirimola elkartea.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.