Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak "Bihar jaio nintzen" estreinatuko du Ertzak

Dokumentuaren akzioak

"Bihar jaio nintzen" estreinatuko du Ertzak

dantzan.com
2008/09/11 12:16
Irailaren 19an, Dantza Hirian jaialdiaren baitan estreinatuko du Ertza dantza konpainiak bere azken lana: "Bihar jaio nintzen". Asier Zabaletak zuzendutako lana, Dantza Hirian jaialdiak bultzatu duen Aterpean ekimenaren emaitza da. Tradizioa eta modernitatea uztartuz sortutako lana da "Bihar jaio nintzen".

Uztailean burutu zen taller batetik abiatu zen Asier Zabaleta eta Ertzaren lan berri hau. Euskal teknika tradizionala dantza garaikidearekin eta hiritarrarekin fusionatzen dituen lengoaia garatzeko tallerra izan zen.  Sortzaileen esanetan, "askotan tradizioak berarekin daraman hertsitasun hori, eta aldi berean modernitateak dakarren esklusibitate haizea, hautsi nahi genituzke, elkar ulertze bide bat irekiaz eta “esango dutenaren” beldurrik gabe eta konplexurik gabe dantza proiektu berri honi ekinaz."

Lau dantzari, Eneko Gil, Lorentxa Iturralde, Oihana Maritorena eta Maider Oiartzabal hautatu zituen lan honetarako Asier Zabaletak, eta Borja Ramos-en musikarekin osatu da lana.

Dantza Hirian jaialdiaren baitan, Donostian (irailaren 19an), Irunen (20an) eta Baionan (27an)  izango dira "Bihar jaio nintzen" sormenaren lehen plazak.

Zuzendaria: Asier Zabaleta
Dantzariak: Eneko Gil, Lorentxa Iturralde, Oihana Maritorena, Maider Oiartzabal.
Musika: Borja Ramos

  • Irailak 19, Donostia: 18:50 La Bretxa.
  • Irailak 20, Irun: 19:20 Justizia Jauregia
  • Irailak 27, Baiona: 18:10 Lacarre Plaza

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.