Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Arteleku dantzagune bihurtzen hasi da

Dokumentuaren akzioak

Arteleku dantzagune bihurtzen hasi da

dantzan.com
2008/12/10 12:11
Donostiako Loiola auzoan dagoen Arteleku egoitza dantzarako gune bihurtzen hasi da. Tabakalera berriak lehen Artelekun burutzen ziren hainbat ekintza jasoko ditu eta ondorioz Artelekuri norabide berria emango dio Foru Aldundiak. Dantza izango da norabide berri horren zutabeetako bat. Lehen ere bazen dantza gela bat Artelekun. Gaurtik aurrera Dantzaz elkarteak bertan izango du bere egoitza.

Dantzaz elkartetik jakinarazi dutenez "Gipuzkoako Foru Aldundiari esker, eta Eusko Jaurlaritzaren laguntzarekin, abenduaren 10etik goiti, Artelekun, dantza areto eta bulego berriak baditugu." Bide batez, Dantzaz elkarteak Donostia Kulturari eskerrak eman nahi dizkio, "2002tik goiti eman daukun laguntzarengatik". Izan ere, Ballet Biarritzen babesean mugaz gaindiko dantza egitasmoa martxan jarri zenetik Egiako kultur etxea izan dute aterpe.

Artelekuren transformazioa hasi da. Egokitzapen lan batzuk burutu dira eta artearen leku izan dena dantzaren leku bihurtzen hasi da. Kulturaren Euskal Planak dantzaren sustapenerako bultzatzen dituen lan lerroei erantzunez Gipuzkoako Foru Aldundiak Arteleku hautatu du dantzaren dinamizazio gune nagusitzat eta bertara bideratu dira datozen hilabeteetan martxan jarri daitezkeen beste zenbait ekimen.

 

Dokumentuaren akzioak

arrate
2009/02/06 19:39

kaixo! 16 urteko neska bat naiz. uda honetan dantza ikastaro bat egitea gustatuko litzaiguke pare bat lagunoi eta ia zuen taldean posible den jakin nahiko nuke. udako egotetxe baten bila gabiltza eta oraindino ez dugu aurkitu. horrelako zerbait antolatzen baduzue interesauta egongo ginateke eta bestela lekuren bat ezagutzen baldin baduzue idaztea eskertuko nizueke. egun kopurua eta tokia ez du axola. aldez aurretik eskertuz agurtzen zaituztet. Arrate

Erantzun

Erantzuna emateko identifikatu egin behar zara, gure webgunean erabiltzaile bat sortuz.