Jaurlaritzaren dantza sustatzeko diru-laguntzetan aldaketak datoz

Orain arte Jaurlaritzaren dantza sustatzeko diru laguntzak deialdi bakar batean jasotzen ziren, baina 2018an, hiru deialditan aterako dira. Oraingoz, arte eszenikoak sustatzera bideratutako programak garatzeko diru-laguntzen deialdia bakarrik argitaratu du Jaurlaritzak.

Sorkuntza Kulturalaren barruan, Sorkuntza Koreografiko modalitatearen diru-laguntzak martxoan argitaratzea aurreikusten da eta Ekoizpen I, Ekoizpen II eta Konpainien sendotzea diru-laguntzak apirilean edo maiatzean. Beraz, honela banatu dituzte hirutan dantza sustatzeko diru-laguntzak:

• Arte eszenikoak sustatzera bideratutako programak garatzeko diru-laguntzak
• Sorkuntza Kulturalaren barruan, Sorkuntza Koreografiko modalitatearen dirulaguntzak
• Ekoizpen I, Ekoizpen II eta Konpainien sendotzea dirulaguntzak

Arte eszenikoak sustatzera bideratutako programak garatzeko diru-laguntzak

Eusko Jaurlaritzaren Kultura eta Hizkuntza Politika sailak dantza sustatzeko argitaratu duen lehenengo deialdi honetan ondorengo diru-laguntzak argitaratu dira:

• Prestakuntzarako laguntza-motak: 70.000 euro dantzako profesionalen prestakuntzarako.
• Sustapenerako laguntza-motak: 80.000 euro EAE-ko antzokietan egoitza-proiektuetarako
• SAREA Dantza Zirkuitu laguntza. SAREA zirkuitoaren barruan dauden konpainia programatuentzako dirulaguntza.

Eskabidea egiteko epea: 2018ko urtarrilaren 27tik, otsailaren 26ra arte.

Inormazioa: Arte eszenikoak sustatzera bideratutako programak garatzeko diru-laguntzak. EAE-ko antzokietan egoitza-proiektuak (2018)