Lehenengo geldialdia Buenos Airesen egin dute, urriaren 30ean, Etxepare Institutuak martxan jarri duen Amale Artetxeri eskainitako katedraren inaugurazioan. Laurak Bat euskal etxean egindako dantza tailerrean 30-35 bat dantzari elkartu dira eta entzule gisa beste 15-20 bat. Filmean dauden Gipuzkoako dantzen inguruan aritu dira, urratsen sistema eta galaiena esku-dantzari buruz, eta oholtzarako eta pantailarako egokitzapenei buruz. Modu horretan, dantzakeran egindako lanak azaldu dituzte. Biharamunean proiektatu dute filma.
Dokumentuaren akzioak
Argentinako zazpi hiritan ematen ari dira Dantza filma
Dantzan
Telmo Esnal eta Gari Otamendi Laurak Bat euskal etxean, Buenos Aires, 2019-10-30. Argazkia: Etxepare
Telmo Esnal eta Gari Otamendi, Dantza filmeko zuzendaria eta protagonistetako bat, Argentinan dira filma aurkezten. Urriaren 31n hasi eta azaroaren 3ra arte iraungo duen biran, Buenos Aires, Rosario, Villa Maria, Mendoza, Necoechea, Tres Arroyos eta Bahia Blanca bisitatuko dituzte. Emanaldietan ikusleek Esnal eta Otamendiri galderak egiteko aukera dute eta horrez gain, dantza tailer eta irakastaldiak ematen ari dira argentinarrei.
Bira hau, Etxepare Euskal Institutuaren, Eusko Jaurlaritzaren kanpoan den Euskal Komunitatearentzako Zuzendaritzaren eta Euskadiren Argentinako Ordezkaritzaren arteko hitzarmenaren emaitza da.
Honakoak dira datozen emanaldiak:
-
Azaroak 6, asteazkena: Necochea. 20:00etan. Cine Teatro Toledo (Av. 75 y 58)
-
Azaroak 7, osteguna: Tres Arroyos, 20:00etan. Cine Tortoni (Colón 255)
-
Azaroak 8, ostirala: Bahía Blanca. 15:00etan. Cinemacenter, Bahía Blanca Plaza Shopping (Av Sarmiento 2153)
Dokumentuaren akzioak
Erantzun
