Dokumentuaren akzioak
Apur batean soka-dantza, Festimatge 2011 jaialdian
Dantzan
Iñaki San Martin, Soarte gisa ezagun den argazkilari elgoibartarraren "Apur batean soka-dantza" argazki eta margolan erakusketa Festimatge 2011 jaialdian erakusgai jartzeko aukeratua izan da. Horren ondorio, soka-dantza gaitzat duten lan horiek Calella-ko La Fabrica erakusketa gelan izango dira datorren apirilaren 9tik maiatzaren 1a bitarte.
La Fabrica, Kataluniako Calella herriko erakusketa gela ezagunean izango da "Apur batean soka-dantza" Iñaki San Martin, Soarte, argazki elgoibartarraren erakusketa. Festimatge 2011 jaialdian hautatua izandako lan horrek soka-dantza du ardatz eta Elgoibar bertako Haritz Dantza Taldeak urtero abuztuaren 24an, San Bartolome egunez egiten duen soka-dantzako argazkiak dira guztiak. Artistak, ordea, argazki bakoitzari ukitu ezberdin bat eman dio, material eta teknika ezberdinak erabiliz.
- Iturria: Festimatge jaialdiaren webgunea
Dokumentuaren akzioak
Erantzun
