Anhauzeko inauteria laugarren aldiz ospatu da

Nafarroa Beherako herri txiki bat da Anhauze, Baigorriko eskualdean aurkitzen dena. Txikia izateak, ordea, ez dio euren inauteria ospatzeko indarrik kentzen eta horretan dihardute 2008 urtea geroztik. Anhauztarrak gogotsu aritzen eta saiatzen dira euren lana zabaltzen, horretarako, blog bat daukate eta. (Erantzunetan Ttirritt-ek jakinarazi digunez hemen da euskarazkoa). Urteroko lanak, abenturak, bideoak eta abar bertan biltzen dituzte.

Txerri-mozorro bat eta txerri-boda tarteko, mozorroak, joaldunak, etxez-etxeko kuestazioa, oturuntza ederrak, musika, kanta eta dantza. Denetarik izaten da Anhauzeko inauterietan.