Dokumentuaren akzioak
Santibateren ondoren etorriko da libertimendua Amikuzera
Dantzan
Libertimendua, Donapaleu, 2009-03-01. Agazkia: Iñaki Zugasti-Dantzan CC-BY-SA
Amikuzeko gazteak buru-belarri dabiltza libertimendua prestatzen. Dantzariak antrexantekin hasiak dira larunbat goizetan, musikariak jadanik trebatuak dira eta zirtzilak ere lanean dabiltza. Santibateren ondoren helduko da libertimendua otsailaren 25ean.
Lehen topatzea otsailaren 3an izango da santibate ospatzeko. Trikitiz, kantuz, koplaz eta dantzaz alaituko dituzte Donapaleuko ostatuak. Zahar-etxetik abiatuko dira eskean. Hitzordu handia, ordea, libertimendua, otsailaren 25ean izango da.
Goizeko 9:30ean hasiko da kabalkada Donapaleuko karriketan eta ondotik 11:00etan Libertimendua izango da plazan dantzari, zirtzil, eta bertsolariekin. Bazkaritarako gonbita luzatu dute antolatzaileek, izen-ematea aurrez egin behar da.
Santibate Amikuzen
Noiz: Otsailak 3, 16:30ean
Non: Donapaleun
Libertimendua Amikuzen
Noiz: Otsailak 25, 9:30ean kabalkada eta 11:00etan libertimendua
Non: Donapaleun
Dokumentuaren akzioak
Erantzun
