Alurr taldeko 140 haur Izaskungo jaietan

Alurr Dantza Taldearen hurrengo emanaldia ekainaren 1ean (astelehena) izango da, Izaskungo jaietan (Ibarra, Gipuzkoa), arratsaldeko 17:30ean. Urte asko dira ohitura hori mantentzen dugula, haurrekin Izaskunera dantza egitera joaten garela. Ekainaren 1ean, 4 urtetik 12 urtera bitarteko 140 haur ariko dira Izaskungo plazan. Agurra, Txulalai, Arin-arin, Sorgin dantza, Sagar dantza, Uztai, Txakoli eta beste hainbat pieza dantzatuko dituzte, Loatzo Musika Eskolako musikarien doinuek lagunduta, eta bukaeran denek Fandangoa eta Arin-arina egingo dute. Festa amaitzeko, dantzariek askari gozoa izango dute.