Alurr Dantza Taldea Herri Urratsen

Ibarrako (Gipuzkoa) Alurr Dantza Taldearen emanaldia eguerdiko 12:00etan izango da Herri Urratsen, Araba gunean. Guztira, 30 dantzari ariko dira, eta dantza eta koreografia hauek egingo dituzte: Agurra, Uztai, Xuletino, Banako, Iraganen errotik, Kaxarranka, Fandangoa, Arin-arina, Paloteados, Bok spok eta Makil jokoa. Aipatu 30 dantzariak bi taldekoak dira: gazteak eta beteranoak. Saioaren aurretik, orain daukagun mutil taldeak dantzatuko du.
Alurr Dantza Taldearentzat garrantzitsua da Herri Urratsen parte hartzea, gure kultura eta euskara zaintzea garrantzitsua iruditzen zaigulako, gure herriko identitatea mantendu ahal izateko. Hainbeste jende biltzen duen festa honetan dantzatzeko aukera izateak izugarrizko ilusioa egiten digu.