Dokumentuaren akzioak
Albisteak
Gaizka Barandiarani omenaldia eta Donostia Dantzan
Erromeria izango da maiatzaren 15ean Donostiako Konstituzio enparantzan. Erromeriaren helburua Donostiako garai batean erromerian dantzatzen ziren dantzak ikastea izango da.
Dantza tradizio berri bat Arraterako
Dantza tradizio berri bat sortzera goaz. Arraten egingo dugu, Arrateko Amaren egunean, irailaren 8an. Tradizioa eta berria kontrajarriak direla pentsa liteke, baina uste dugu tradizioak berezkoa duela berri izatea, eta sortuko ditugun dantzak berriak bezain tradizionalak izatea nahi genuke.
Dantzaren hilabetea
Gipuzkoako Dantza Profesionalen Elkarteak Dantzaren Nazioarteko Eguna ospatzeko ekitaldiak antolatu ditu; horrenbestez, aurtengoa izango da jardueren egitaraua antolatzen dugun hamargarren aldia, beren lanbidea omentzeko helburua duena.
Mutxiko eguna Izpuran
Urtero bezala, Iparraldeko Euskal Dantzarien Biltzarrak Mutxikoaren eguna bat antolatzen du Izpuran, Baxe Nafarroan. Aurten finkatu izan den eguna, Apirilaren 3a da.
Trikitixaren historiarako agiri bilduma
Trikitixaren inguruko dokumentazio zabala bildu eta sarean jarri du Euskal Herriko Trikitixa Elkarteak. Tartean, dantzari buruzko hainbat aipamen ageri dira, debekuen garaiari lotuta batez ere.
Baztango mutildantzen ikastaroa Iruñean
Ortzadarrek, Folklorearen alorrean egiten diren ikerketak bultzatu nahian, Kultura Tradizionalaren Gaineko Ikastaro Monografikoak sortu ditu. Edozeinek parte hartzeko eginak badira ere, Folklore Taldeetako partaideei zuzendua da batik bat. Ikastaro Monografikoen XVIII. edizioak Baztango mutildantzei buruz jardungo du, 20 orduko iraupena izango duelarik
Goizaldi lokaletik kanpo
Hainbat istiluren ondoren, pasa den otsailak 24ean Musika Kontserbatorioko Zuzendariak Goizaldiri bere lokalerako sarrera galerazi dio.
Dantza Garaikidearen Zirkuitoa
Dantza Garaikidearen Zirkuitoaren I edizioa martxoaren 11tik maiatzaren 21era bitartean izango da honako toki hauetan: Barakaldo, Elorrio, Gasteiz y Donostia.
Eskola Dantza Taldeak Genevako Euskal Jaian parte hartuko du
Donostiako Eskola Dantza Taldea Suizako Geneva hirian izango da martxoaren 18tik 20ra bitartean, Pre en bullé elkarteak eta Genevako Euskal Etxeak gonbidatuta. Urtero munduko herriren baten inguruan egiten duten jaia, aurten Euskal Jaia izango da eta Euskal Herriko ordezkari gisa joango da, beste batzuekin batera, Eskola Dantza Taldea.
IX. Koreografi erakusketa
Apirilean, Eusko Jaurlaritzako Kultura Sailak antolaturiko IX. Koreografi Erakusketa izango da. Erakusketa hau dantza bultzatze eta sensibilizazio-ekintza da eta bere helburua hauxe da: arlo profesionalean lanean saiatu nahi duten hainbat koreografo eta dantzari gazteri formato laburreko sorkuntza, ekoizpen eta eszenaratze lan erreal batean aritzeko aukera ematea.
Dokumentuaren akzioak
