Dokumentuaren akzioak
Albisteak
Dantza tradizionaleko irakasleen lan-poltsa deialdia Bilbao Musikan
Dantza eskolak emateko dantza tradizionaleko irakasleekin lan-poltsa osatzeko deialdia egin du Bilbao Musikak. Hona hemen deialdiaren xehetasunak:
Esteban Berazadi hil da
Larunbatean hil zen Esteban Berazadi dantzari eta dantza-maisua, 88 urte zituela, astea Donostiako Ospitalean pasa eta gero. Astelehenean erori egin zen etxean, eta buruan jasotako kolpeak eraman du Esteban.
Gaizka Barandiarani omenaldia
Gaizka Barandiarani omenaldia egingo zaio datorren igandean, maiatzaren 15ean, Donostian. Dantzaren alorrean egindako ikerketa eta idazlanengatik nabarmendu da 89 urte dituen jesuita. Hona Euskal Dantzarien Biltzarrak eta Euskal Herriko Txistularien Elkarteak presatu duen egitaraua:
Bizkaiko Dantzari Eguna Erandio Goikoan
Bizkaiko Dantzari Eguna ospatuko da datorren maiatzaren 15ean Erandio Goikoan. Ekitaldiak bezperan hasiko dira, bailarako dantza taldeek egingo duten emanaldiarekin, eta igandean berriz Bizkaia osotik etorritako dantza taldeen jaia.
Dantza sustatzeko diru laguntzen deialdia 2005
Dantza sustatzeko diru-laguntzak emateko Agindua argitaratu du Eusko Jaurlaritzaren Kultura sailak. 150.000 euro banatuko dira (iaz 135.000) koreografia sorkuntza, dantza-lanen ekoizpena, bira artistikoak eta prestakuntza eta ikastaroetarako.
Le Basque, dantza historikoa Errenterian
Erregelak eta Ensemble Diatessaron taldeen eskutik Le Basque izeneko ikuskizuna eskainiko da datorren maiatzaren 17an Errenterian. Dantza historikoa eta dantza tradizionalaren arteko uztarketa da Le Basque .
Dantzaren Nazioarteko Eguna
Gaur, apirilak 29, Dantzaren Nazioarteko Eguna ospatzen dugu. Izan ere gaurko egunez, 1727an jaio zen Jean Georges Noverre, dantzaren erreforma bideratu zuen koreografo frantziarra.
Escena dantza jaialdia Nafarroan
Apirilaren 29an, Dantzaren Nazioarteko Egunean, abiatuko da Antsoain-en Escena dantza jaialdia. Hilabetez, Nafarroako 11 herritan, 9 konpainiek 21 dantza emanaldi eskainiko dituzte.
Urtzi Aranburu sarituko du Gipuzkoako Dantza Profesionalen Elkarteak
2005eko Dantzaren Saria Holandako Nederlands Dans Theater konpainiako Urtzi Aranbururi (Donostia 1972) ematea erabaki du Gipuzkoako Dantza Profesionalen Elkarteak. Sari hauen hirugarren edizioa da 2005ekoa, eta apirilaren 29an, Dantzaren Nazioarteko Egunean jasoko du Urtzi Aranburu berak, Donostiako Udaletxeko areto nagusian, eguerdiko 12etan egingo den ekitaldian.
On Kixote Mantxakoa eta ezpata-dantza
On Kixote Mantxakoa gora eta behera ari dira egunotan komunikabideak, liburua argitaratu zela 400 urte direla aitzakitan hartuta. Gu ere apuntatu gara modra eta Cervantes-en liburuan datorren dantzari buruzko pasarte bat jasotzea pentsatu dugu.
Dokumentuaren akzioak
