Dokumentuaren akzioak
Albisteak
I. Dantza ekintzetarako ideien deialdia
Bizkaiko Dantza Etxea zerbitzuak, 2014 Dantzaren Eguna ospatu nahi du, Mugimendu Ekintza batekin, zeinaren helburua bikoitza den. Batetik, Dantzaren Nazioarteko Eguna ospatu, datorren apirilaren 29an. Bestetik Bizkaiko Dantza Etxearen zerbitzua eta kokagunea ezagutzera eman, Bizkaiko dantza sektorearen eskura dagoen baliabide gisa. Horregatik, I. Dantza ekintzetarako ideien deialdia ireki dugu.
Maskaradetako grabazio zaharrak entzuteko aukera Sü Aziaren webgunean
Zuberoako Sü Azia elkarteak audio funts garrantzitsuak bilduta ditu, eta horiek digitalizatu eta sareratzen hasi da. 1960, 70, 90 edo 90eko hamarkadetako maskaraden, pastoralen eta oro har musika eta dantzari buruzko audio grabazioak dira. Tartean dira Garat Arane, Etxahun Iruri edo Bedaxagarren grabazioak, eta baita adibidez Garazi aldeko Ramuntcho orkestrarenak ere.
Zamaltzaina eta Lajkonika elkartu zirenekoa
Krakovian, Polonian izan gara martxoko azken egunetan. Zuberoako Zamaltzaina eta Krakoviako Lajkonika elkartu eta elkar ezagutu duten ekitaldian parte hartzeko aukera izan dugu. Krakoviako Historia Museoak Lajkonik izeneko hiriko zaldiko ezagunari buruz erakusketa antolatu du, eta Europan eta mundu zabalean dauden antzeko zaldikoak erakutsi nahi izan ditu. Horien artean aipamen berezia egin diote antolatzaileek zamaltzainari, eta hain zuzen, zamaltzaina gorpuztu eta bere dantzak bertan erakustera gonbidatu gaituzte Krakoviara.
Ederlezi pastoralari buruzko dokumentala
Elsa Ines-Oliarj errealizatzaile zuberotarrak Ederlezi pastoralaren lehen agerraldiaz dokumentala egin du. 2013ko Xiru jaialdian, Gotainen, estreinatu zen Nicole Lougarot-ek idatzi eta zuzendutako Ederlezi pastorala. Prestaketa lanen eta estreinaldiko irudiekin osatu du Elsa Ines-Oliarj-ek honako dokumentala. Kanaldudek sareratu du ia ordubeteko iraupena duen ikusentzunezkoa:
Herri Dantza lehiaketa antolatu da Donostian
Bagera euskaltzale elkarteak eta Udaleko Musika eta Dantza Eskolak erromeria antolatu dute eta bertan Herri dantza lehiaketa burutuko da. Maiatzaren 17an, arratsaldeko 18:30ean, Donostiako Konstituzio Plazan egingo dira erromeria eta Herri Dantza lehiaketa. Honela dio deialdiak:
Irudimentsuak
Antzerkilariak eta dantzariak ameslariak gara ofizioz; irudimena ohiko lantresna dugu. Behin, sabaia eta lurra besterik ez zituen tailer itxurako orube sakon eta ilun bat erakutsi ziguten, eta guk oso erraz irudikatu genuen bertan aspaldian desio genuen eskola. Burdin erdoildu eta porlan belztuz betetako bazterrera seinalatuz “hemen ikasgelak izango dira eta han entsegu-gelak” esan ziguten. Guk zoko ilunera begiratu eta ikusi egin genituen ikasgelak, entsegu-gelak, eta haietan ikasleak ikusi genituen: aktore, teknikari eta dantzari izan nahi zuten gazte eta ez-hain gazteak ziren, beren buruak prestatzen, trebatzen ari ziren han bertan, gure begien aurrean.
Frantisek Pospisil, ezpata-dantzen ikertzaile aitzindaria
Europako ezpata-dantzekin liluratuta, 1907tik aurrera hauek aztertzen ibili zen Frantisek Pospisil etnografoa. Horretarako argazkiak eta filmazioak egin zituen Txekiako, Ingalaterrako edo Euskal Herriko ezpata-dantzak ezagutu eta zabaltzeko. Bere grabazioak 80 urtez ezkutuan egon ondoren orain gutxi agertu dira, Juan Antonio Urbeltzi esker eskuratu eta denon eskura jartzen ari da dantzan.com. Euskal Herrian egindako grabazioak ere daude tartean, eta laster sareratuko dira horiek ere. Sarrera honetan Frantisek Pospisil nor zen eta bere lana apur bat gehiago ezagutzeko ahalegina egin dugu.
50 urte Debako Euskal Jaia, euskal kulturaren aldarri erraldoia ospatu zela
1964an, Oargi elkarteak Deban antolatutako Euskal Jaia, lozorrotik esnatzen ari zen hartzaren orro bortitzaren modukoa izan zen. Euskal nortasuna eta kultura aldarrikatzeko ekitaldi jendetsu eta arrakastatsu hura hurrengo hamar urteetan han eta hemen errepikatu ziren agerraldien sua piztu zuen. 1965ean errepikatu zen festa Deban, eta 50.000 lagun elkartu omen ziren bertan. Orduko kronika eta programa dakargu hemen.
Krakoviara goaz zaldikoaren erakusketan dantza egitera
Martxoaren 28tik apirilaren 1era Polonian, Krakovian izango gara, bertako Historia Museoak Europako hobby-horse edo zaldikoaren inguruan antolatu duen erakusketan dantzatuko dugu.
Kultura Auzolanean: Kulturaren Euskal Plana 2014-2015 aurkezpena
Bilbon izan naiz gaur, Eusko Jaurlaritzaren Kultura sailak egin duen Kultura Auzolanean planaren aurkezpenean. Kulturaren Euskal Planaren oinordeko izateko asmoz abiatu duten egitasmo honen nondik norakoak azaldu dituzte Kultura saileko arduradunek, eta horren inguruan lehen inpresio trukea izan dugu.
Dokumentuaren akzioak
