Dokumentuaren akzioak
XXXVI. Legazpiko Dantzari Txiki Eguna
Apirilaren 23an, igandea, goizeko 11:00etatik aurrera. Hauxe izaten dugu jaien usainean jartzen gaituen ekitaldia. Ohi bezala Korosti Dantza Taldea dugu ekitaldiaren sustatzaile eta kudeatzaile.
Aurtengoan ondorengo dantza taldeetako dantzari txikiak izango ditugu Legazpin: Oinarin Dantza taldea (Antzuola), Lurra Dantza Taldea (Urretxu), Oñatz Dantza taldea (Oñati), Irrintzi Dantza Taldea (Urretxu-Zumarraga), Itxas Argia Dantza taldea (Getxo) Oberena Dantza taldea (Iruña), Sustraiak Dantza Taldea (Legazpi) eta Korosti Dantza Taldea (Legazpi)
Egitaraua
- 11:00 Lau-bideko rotondan talde guztien elkartzea. Ondoren ogi tartekoak banatuko dira.
- 11:45 Herriko erdiguneko kaleetan zehar dantzatuko dugu. 3 geldialdi egingo ditugu: Lau bide kalean, Patrizio Etxeberria kalean, Kale nagusian.
- 13:15 Euskal Herria plazan talde guztiak elkarrekin ondorengo dantzak eskainiko dituzte: Ikurri-dantza, agurra, Zazpi jauzi, arrantzale, makil joko.
- 13:30 Haurren banatzea bazkaltzeko.
- 14:30 Arduradun eta txistularien bazkaria Gizarte Zentroan
- 15:30 Dantza taldeen arteko jolasak
- 16:30 Bikuñaenea plazan talde guztiak elkartuko dira.
- 17:00 Kalejira Euskal Herria plazara iritsiz. Jarraian dantza talde guztiek batera ondorengo dantzak eskainiko dituzte: banako, nesken arku-dantza, txantxo, txakarranko, Zuberoako makila-dantza, Gipuzkoako zinta-dantza, Zapatain-dantza, Txulalai, fandango, arin-arin eta Larrain-dantza.
Dokumentuaren akzioak