Dokumentuaren akzioak
XV. Muxiko Eguna Errenterian
Beti Prest Dantza Taldea Elkarteak antolaturik ospatuko da muxikoen saio berezia udako oporraldiaren aurretik “XV. Muxiko Eguna”. Hilero bezala,eguerdiko 12:00etan, Herriko Plazan (Koldo Mitxelena ikastolako jolastokian euria egingo balu) ikasturte bukaera ospatuko da eta azken saiorako Muxiko Eguna antolatu du hamabostgarrenez Beti Prest taldeak.
Aurtengo ekitaldiko musika joleak Alaken Taldekoak izango ditugu, eta Errenteriako Dultzaineroak, bukatzeko Larrain Dantzarekin. Herritarrei parte hartzeko gonbitea luzatzen du Beti Prest Taldeak. Muxikoak dantzatu Herriko plazan eta Larrain dantzaren ondoren pintxo eta sagardo trago bat hartzeko aukera izango du hurbiltzen denak, dantzan utzitako indarrak berreskuratzeko.
Azpimarratzekoa da Alaken Taldeak Errenderiakoak izeneko muxiko berria estreinatuko duela.Igandean, ikasturte bukaera izango da, baina urrian berriro itzuliko dira mutxikoak Errenterira.
Dokumentuaren akzioak
