Volmir Cordeiro: Ines

BAD, Bilboko antzerki eta dantza garaikide jaialdiaren programazio barruan Volmir Cordeiro koreografoak Ines ikuskizuna eskainiko du.

Egun batean emakume batekin gurutzatu nintzen. Ines zuen izena. Ez nintzen begiratzearekin konformatu. Hurbildu beharra nuen… Berehala hasi nintzen neure burua emakumearengan ikusten. Haren begetan, haren aurpegian, haren energia-magman… hortxe ikasi nuen neure buruaz ohartzen. Begirale-rolari utzi nion eta haragi eta hezurrezko gizaki horrekin bizitzen hasi nintzen. Neureganatzen ahalegintzea ez zen niretzat nahikoa, irenstea gustatuko zitzaidakeen…  Nire asmoa bera azalaraztea zen, galdera bat planteatzea, berari pieza bat proposatzea. Munduaren aurrean, bere ausentziaren bilbea sortzea. Nola aurkitu bere existentziaren zentzua neugan eta nola eman bizia neure gorputz txikian hark zuen sendagile-gorputzaren handitasunean? Barru-barruko esperientzia hau proposatu nahi diet ikusleei: ezezagun baten aurrean, guztiz ezezaguna den norbaiten aurrean, erabat esploratugabea den norbaiten aurrean  jarri eta… 

Ines den moduan izanda, hark egiten dituen ekarpen guztiak nahitaezkoak iruditzen zaizkit: mundu bitxi batekoa izatearen atrebentziatik hasi eta dantza eragiten dioten alaitasunaren, maleziaren, tristuraren eta lotsaren hondarretaraino.

• Koreografia eta antzezpena: Volmir Cordeiro
• Argiztapena: Abigail Fowler 
• Soinua: Cristián Sotomayor
• Arropa: Sylvie Seguin