Verdini: Dastatu Gure Dantza

Abenduaren 3an Elbarritasunaren Nazioarteko Eguna eta Euskararen Nazioarteko Eguna ospatzeaz baliatzen da Verdini Dantza Taldea bi ospakizunok batuko dituen oroitzapen-ekitaldi bat proposatzeko. Psikodantzako konpainia aitzindaria izan da Euskadin Verdini (dantza garaikidearen mota honek elbarritasun intelektuala integratzen du), eta aldi berean euskara sustatu du. Orain, ekitaldi batean bildu nahi ditu egitasmoa osatzen duten alderdiak, hots, gizartea sentikortzea dantzaren arte-adierazpenaz, prestakuntza onaren emaitza bikainak erakustea, eta euskal kultura sustatzea. Hori guztia gauzatuko da konpainiaren proba-saio ireki izango den emanalditxo batean, Isabel Verdini koreografo donostiarraren lan-metodologia ezagutzeko bide gisa.