Vanesa Aibar + Enric Monfort: La reina del metal

Lan hau Vanesa Aibarren eskutik egindako dantza flamenkoaren eta Enric Monforten perkusio metalikoaren eta musika elektronikoaren soinuen arteko elkarlan batetik abiatuta eraikitzen da; luzaroan heldutako topaketa honetan soinuaren eta mugimenduaren aukerak muturrera eramaten dira, espazioan hedatuz gauza bakar batean urtu arte.

Vanesa Aibarren flamenkoa teknika handiko dantza moderno eta askea da. 2019an bere lehen ikuskizuna sortu zuenetik, flamenko garaikidearen panoraman kokatu da dantzari eta sortzailea. Gainera, Carmen Linares, Andrés Marín, Eva Yerbabuena, Mayte Martín edo Royal Concertgebouw artistekin lan egin du.

Enric Monfort perkusionista eta musikagilea da, eta ibilbide luzea du Herbehereetan bizi eta lan egiten. Musika garaikideari aplikatutako India hegoaldeko teknika erritmikoetan espezializatua, konplexutasun erritmikoko, perkusio anitzeko eta ganbera musikako irakaslea da. Nazioarteko hainbat formazio, ensemble eta orkestrekin kolaboratzen du.

Leku berri bat sortzen duten bi unibertso sortzaile. Eta leku berri hori ikuskizun hau da.

• Zuzendaritza eszenikoa, kontzeptua eta koreografia: Vanesa Aibar

• Zuzendaritza, kontzeptua, musika-konposizioa eta soinu-diseinua: Enric Monfort

• Interpreteak: Vanesa Aibar, Enric Monfort

• Aholkularitza: Guillermo Weickert, David Monte, Marijn Cinjee