Teatro fisico: Un poyo rojo

Biarritzeko Temps d’Aimer edo Maitaldia dantza jaialdiaren baitan Teatro fisico konpainiak Un poyo rojo lana eskainiko du.

Buenos Airesen azken urte hauetan gela guziak betetzen dituen argentinar bikote pindartsua izerdi patxetan datorkigu eskema maskulinoak zinez itxuraldatzeko. Kirol gela bateko aldagela batean, bi gizon, elkar neurtzen, elkar ikuskatzen, begirada zorrotza eta ondotik kolpeak batak besteari igorriz. Elkar hausikitzen, perekatzen, besarkatzen, milikatzen dute. Hatsak hatsari jostatzen hasten dira bi zakur eroren gisara, bi oilar gazte iduri. Maleziotsua eta sentsuala, garratza eta irrigarria. Borroka, dantza edo kabareta: poyo rojo gorputz eta irudi olerkia da, estereotipo falokrata guziak zapartarazteko.

• Informazio gehiago: Maitaldia