Takao Kawaguchi: About Kazuo Ohno

About Kazuo Ohno lanean, Kazuo Ohnoren dantza den bezala kopiatzen saiatzen da Takao Kawaguchi; norbere interpretazio oro alde batera utzi, eta jatorrizko formak eta figurak ahalik eta berdinen proiektatzen saiatzen da. Jatorrizko bertsiora zenbat eta gehiago gerturatu, orduan eta argiagoa da bi bertsioen arteko arrakala, txikia bezain saihetsezina, arrakala hori txikitzeko ahalegin handiak egin arren. Performance honen paradoxa beste bat da, ordea; izan ere, distantzia txiki horrek kopiatzen duenaren ezaugarri oso desberdinak nabarmentzen ditu. Kopiatzea originala da.

Ikuslea Kazuo Ohnoz gogoratzen da edo irudikatzen du Kawaguchiren gorputzaren bidez, Ohnoren hamaika irudik eta artistak bat egiten duten bitartean. About Kazuo Ohno duo bat dela esan dezakegu, artista Kazuo Ohnoren irudipenezko irudiarekin dantzan ari baita.

• Sortzailea eta dantzaria: Takao Kawaguchi.
• Koreografia: Kazuo Ohno eta Tatsumi Hijikata.
• Dramaturgia/bideoa: Naoto Iina.
• Jantziak: Noriko Kitamura.
• Argiak: Nami Nakayama.
• Soinu-teknikaria: Noriaki Coda.
• Agerraldia bideoan: Yoshito Ohno.
• Artxiboko materialmen iturria: Kazuo Ohno Dance Studio eta Canta Ltd.
• Entseatzeko aretoa: Tokioko Zokei Unibertsitatea, CS-Lab.