Dokumentuaren akzioak
Soinu zaharretatik dantzara
"Soinu zaharretatik dantzara: Iztuetak 1824. urtean berreskuratutako 24 soinu zahar dantzatuak" izeneko dantza erakustaldia antolatu du Gipuzkoako Dantzarien Biltzarrak.
Jose Luis Vallejoren gidaritzapean eta Donostiako Udaleko txistulari taldearen laguntzarekin, 50 dantzariek, lehenengo aldiz, 24 soinu zahar guztiak batera oholtzaren gainean ikusteko aukera eskainiko dute.
Soinu zaharrak izeneko antzinako dantzak euskal kultura tradizionalaren altxorra izanik, XVIII mendearen amaieran galtzekotan ziren. Iztuetak 1824 eta 1827 urteen artean argitara emandako deskribapen artistiko eta musikalari esker, xehetasunez iritsi bazaizkigu ere, ezezagunak dira, gaur egun, publiko zabalarentzat, baita dantzari askorentzat ere.
Dokumentuaren akzioak
