Sharon Fridman: Go figure

Gorputz batek bere egia esan dezake bere hizkuntza propioa, berea, bereganatzen duenean.

Gorputz bat aukeren mapa bihurtzen da bere desberdintasunetik abiatuta, bere desberdintasuna arnasten eta mugitzen duenean gainerako gorputzekiko. Desberdintasun-harreman horretan dago benetan libre.

"Go figure", batez ere, desberdintasun-paisaia bat da, non Shmuelek bere gorputzaren funtzionamendua ikus dezakeen, ezagutu, bere mugimendua baldintzatzen eta definitzen duena balioetsi, bestearekiko loturarako zubi bihurtu. Tomer etorri da dei horretara, eta Shmuelen elkarrizketa-gonbidapena jaso eta zubia zeharkatu du. Ezartzen dituzten mugetatik edo bien gaitasunak agerian uzten dituzten mugetatik sortzen den balantze baten bilaketan, bera besterik izan nahi ez duen edertasun bat jaiotzen da. Edertasuna, bere burua desitxuratu gabe sostengatzeko nahimenetik, egiaren lurralde izateko desira partekatutik sortzen dena.