Rouge Elea: Ronde

Ronde ikuskizunean dantza eta zirko garaikidea nahasten dira aireko elementuekin; haren gaia senidetasuna da, haurtzaroaren ikuspegitik ikusita. Trapeziotako erabiltzen den lanpara batetik zintzilikaturik, bi ahizpak beren arteko lokarri konplexuak erakusten dituzte: konplizitatea eta maitasuna, baina baita elkarren arteko lehia eta liskarra ere. Bizi oso bateko urratsetan barna egiten den zeharkaldi honetan, gorputzak senez jostatzen dira, elkar ukitzen dute, elkarri ihes egiten, elkar nekatzen, elkar lotzen. Rouge Elea konpainiak aireko zirkuaren, dantzaren, musikaren eta objektu eta irudien arteko gurutzaguneak arakatzen ditu Hendaian duen egoitzan.

• Asmaketa: Corine Cella, Fanny Soriano.
• Antzezleak: Corine Cella, Maitane Azpiroz, Ander Fernandez.
• Soinu sorkuntza: Ander Fernandez, Asier Sarasola.
• Laguntza artistikoa: Mathilde Monfreux, Valentín Bellot, Javier Barandiaran.
• Eszenografia: Laurent Gauthier, Idoia Beratarbide
• Jantziak: Jantziteria Marodi.