Dokumentuaren akzioak
Rosa Romero: Debut
Debut begiradaren kontzeptuan oinarritzen den hastapen erritua da. Hutserako jauzi gisa begiratzea, gorputz batean arreta jartzera behartzea botere erakustaldi eta maitasun froga gisa. Piezak planteatzen duen bidaiak hasierako ideia erabiltzen du, debutatzea abiapuntu gisa; ikuslearen begirada samurtzen duen zerbait, baina aldi berean dena espero dezakeena, edozer gauza gerta daiteke edozein unetan Debuteko eszena batean. Erritu gisa hasten dena umorezko bakarrizketa bihur daiteke, berriro hegan egitea, astroekin konektatzea, tragedia bilakatu, mugimendu bat, pintura. Gorputza mugimendu batetik igarotzen da non goraipatzen diren sena, erritmoa eta oinordetzan jasotakoa; konbentzitu nahi ez zaituen mugimendu bat, baina behar zaituena. Iniziazio ekintza guztietan bezala, hasierak bere balioa erakutsi behar du bere gorputz osoarekin komunitateari aurre eginez. Publikoaren aurreran geratzen da (komunitatearen menpe dago bere onarpena) eta esaten die: begira nazazue. Begira iezadazue ekintza xamaniko bezala, sorginkeria bezala, zeren eta begiratzeko betebehar honetan, antzerkia, dantza, performancea, errituala edo jolasa deitzen ditugun arte ilun guztiak ezkutatzen dira.
Fitxa artistikoa
- Zuzendaritza eta interpretazioa: Rosa Romero.
- Dramaturgia eta zuzendaritza-laguntzailea: Alberto Cortés.
- Mugimendurako laguntzailea: Patricia Caballero.
- Jantziak: Gloria Trenado (Nantú).
- Soinua: Pitu García.
- Argiztapena: Carmen Mori.
Dokumentuaren akzioak