Olaeta eta Oldarra: Memem

Olaeta Balleta eta Oldarra Biarritz "Memem" (Mari emakume mitologikoa) lanarekin datozkigu. Emakume baten bidai mitologikoa, haurtzarotik, heldutasunera arte. Bizitzaren bidaia izango da, mundu mitologikoa agertzeko aitzakia. Mitologia emakumearen begietatik ikusiko dugu eta emakumeak euskal mitologiaren eremu horretan duen nortasuna, indarra eta boterea azalduko dira. Amaieran, guztia gaur egungo gizarte errealera eramango dugu.

Mari gure gizarte garaikideko emakumea da, egunero lanera doa eta etxeko lanak egiten ditu, lan neketsua da, ez du superbotererik, oztopo, arazo, eraso eta diskriminazio askori egin behar die aurre, gaur egungo emakumea da.