Node: Batu

*2025eko Kultura Plazara! egitarauaren barne.

BATU gure ondarearen, orainaren eta etorkizunaren aldarrikapena da. Bi dantzarien mugimenduak eta gorputzek belaunaldien joan-etorria irudikatzen dute. Begirada etorkizunera jarria, jauzi egin eta argitasunez bete gaitzan. Lourdes Iriondoren kantutegia, zuzenean abestua, tradizioaren eta modernitatearen artean doa, espazio publikoetan kantua berreskuratuz. Zuzeneko musika antzinako soinuetatik, adarretatik, txistutik eta txalapartatik, soinu garaikideetaraino doa eta aldi berean, olerkiak hitza sortzen du. Bestalde, jantziek, alde batetik, arrain-saltzaile eta errekardari emakumeen lanbideak omentzen dituzte Bergarako mahoi urdinak erabiliz. Eta, bestetik, pieza estanpatuek antzinako ohe-haginen zenefak erreproduzitzen dituzte, emakumearen maisutasuna eta estatusa islatzen. BATUk, izan ginena, garena eta izango garena batzen ditu testuinguru artistiko berean. Gure sustraiak ahaztu gabe, gure etorkizuna ospatzen du denboran zehar egindako bidaian. BATU dezagun.

• Dantzariak Bailarines: Myriam Perez Cazabon, Borja Bordonabe.
• Musikariak Músicos: Joseba Etxegoien, Mikel Zubiria.
• Abeslaria Cantante: Iosu Yeregui.
• Koreografia Coreografía: Myriam Perez Cazabon.
• Olerkia Poesía: Eñaut Mitxelena.
• Jatorrizko musika: Mikel Zubiria.
• Jantziak Vestuario: Amarenak.
• Ideia, zuzendaritza: Ion Estala.