[Bertan behera] Myriam Perez Cazabon: "HIRU (3)"

OHARRA: COVID-19 gaitzaren aurreko neurriak direla eta bertan behera gelditu da ekitaldia.

LABO GO22.
Sortutakoak 15 aukeratutako proiektua.

• 17:00 - 19:30 Entsegu irekia.

• 19:30 - 20:30 Erakustaldia + Solasaldia.

HIRU(3) aukera berriak eraikitzeko helburuarekin planteatutako Myriam Perez Cazabon koreografoaren proiektu berria da, sorkuntza prozesuari eta ibilbideari garrantzia eman nahi diona. Laborategi ideia batetik abiatuta, ikerketan eta kontzeptuen transmisioan sakonduz, prozesuari beharrezko denbora eskeintzeko ahalegina da. Biltzen ditu, beraz, sormen prozesurako lan-egitura sendo bat garatzeko eta lengoaia pertsonala definitzeko helburuak, zeinak oinarritzat hartuz, material koreografikorekin esperimentatzeko aukera erreztuko duten. Komunikazioaren eraikuntzan beharrezkoak diren entzutean eta begiradan sakontzenko saiakera da.

HIRU(3), hiru bizikidetza atal edo espazio eszenaratzen dituen ez-ohiko espazioetarako dantza-lan esperimental bat da. Gertaerek izaera zikliko bat izan ohi dute. Haisera, korapiloa eta amaiera. Edo hurrengo hasiera bat… Gertaera orok bere ondorioa baitu. Hiru atal, non distantziak eta denborak eragina duten, non pertsonaien arteko erlazioek eta begiradek dimentsio desberdinak hartzen dituzten: hiru pertsona, hiru gune eta hiru une. Lehen, orain eta gero…

Egun desegonkortasuna nagusi den garaia izanik, gertaeren izaera ziklikoa isladatu nahi du HIRU(3)-k: oreka eta desorekaren arteko muga zehazgabea, joan-etorrien errepikapen mugagabea. HIRU (3) eraldatzeari buruz ari baitzaigu, begietara begiratzeari buruz. Eta aukera berriei buruz: “El encuentro. Los ojos. Una despedida. Y los espejos”. INVISIBLE – Victor Iriarte. Zimendu zehatzetatik habiatutako pieza moldagarri eta eraldagarri bat da, une bakoitzean bizigarria dena. Etengabeki eraikitzen den dantza lana.

Fitxa

• Dantzariak: Eneko Gil, Leire Otamendi, Beñat Urretabizkaia, Olaia Valle.
• Kanpo begirada: Mizel Theret.
• Zuzendaritza: Myriam Perez Cazabon.