Malandain Ballet Biarritz: Suzko txoria eta Udaberriaren sagaratzea

Igor Stravinskiren Suzko txoria eta Udaberriaren sagaratzea lanek koreografia asko izan dituzte Fokinek era Nijinskik, hurrenez hurren, Ballet Errusiarrentzat lehenengoz sortu zituztenetik. Beren bertsioak osatzeko, Thierry Malandainek eta Martin Harriaguek beren jatorrietara jo dute. Bere musika-sentiberatasuna aski frogatua duen Koreografia Zentro Nazional Malandain Ballet Biarritzeko zuzendariak bere espiritualtasun biblikoa itzuli dio jatorrizko ipuineko Txoriari: argi-eramaile zerua eta lurraren artean, gizakioi esperantza eta aringarria eskaintzea du helburu, Asisko Frantziskoren antzera. Ikuspegi irmodun artista elkartua dugun Martin Harriaguek, bestalde, Stravinskik berak Montjoie aldizkarian azaldu zuen Sagaratzearen argumentua hartu du oinarri, gizakiaren pultsio telurikoa taularatu nahian, obran zein partituran.