Dokumentuaren akzioak
Maitaldia 2020
Maitaldia, Biarritz, 2016-09-11. Argazkia: Iñaki Zugasti - Dantzan CC-BY-SA
Zailtasunak zailtasun 30. urteurrenean ez du hutsik egingo Maitaldia dantza jaialdiak. Nahiz eta udaberrian uste zen aurtengoan jaialdia ezin izango zela egin, testuinguru zail eta duda askoren artean Biarritz dantzaz alaituko da datozen egunetan.
Irailaren 10etik 20ra programazio biribila antolatu dute: Ballet Malandainen dantza eskolak (klasikoa, modernoa, jazz, tradiziozkoa), nazioarteko ikastaldiak, dantzari eskainitako ordutegi berezietako ikasgelak, koreografo gazteen lehiaketa... Malandain balletarekin batera Toulouseko Capitole eta Monte Carlo ballet entzutesuak izango dira Biarritzen.
Bizi dugun egoera dela eta posible da egun batetik bestera egitarauan aldaketak izatea. Ikuskizunen bat bertan behera gelditzen bada dirua itzuli egingo da. Antzoki eta sala barruetako ekitaldietan derrigorrezkoa izango da musukoa eta gomendagarria kanpoko dantza emanaldietan.
Egitarau osoa: Maitaldia 2020 egitaraua (pdf)
Dokumentuaren akzioak
