Dokumentuaren akzioak
Lorea Ibarrondo: 24 horas
24 horas dantza eta antzerki proposamenean xumetasun zein transzendentzia handiko gaiak adierazten dira eguneroko mugimenduen bidez; hori bai, erritmo handiko izakiek transmititutako mugimenduak dira, bizitzaren harmoniaren bila denboraren mugak zeharkatu nahian.
Etengabeko zikloen eraginpean bizi gara. Gertaerak errepikatu egiten dira, baina beti era desberdinetan. Egonkortasuna eta aldaketa eskutik doaz, baina zein errealitate mota da aspektu biak uztartzen dituena?
Espiralak aurrerapena, aldaketa eta eraldaketa iradokitzen dizkigu; baina, baita ere sorpresa, ziurgabetasuna, kontraesana, berritzea, etengabeko ahalegina, arriskua, jariotasuna, harmonia, hazkundea, oreka; mugimenduaren eta formen artean, espazioaren eraginez bira eman, salto egin eta erori egingo bagina legez; espiral horrek hazkundearen eta bilakaeraren prozesua irudikatzen du:Bizitzaren dinamika, berez.
- Ideia eta Sorkuntza: Lorea Ibarrondo
- Zuzendaritza: Lorea Ibarrondo
- Koreografia: Lorea Ibarrondo
- Testua: Andrés Cortés
- Aktoreak: Andrés Cortés - Lorea Ibarrondo
- Argazkiak: DANIMANTIS
- Egonaldiak: Utopian, La Fundición
- Eskerrak: E. Luzarra, Bilbao Baila Dantza Eskola
Dokumentuaren akzioak