Lasala: Lauesku

Lekuz Leku jaialdiaren programazio barruan, Lasala konpainiak Lauesku lana eskainiko du. 

Pilota partida baten bidez, hainbat egoera azaltzen dira; bertan jokoaren arauak zalantzan jartzen dira eta ezarritakoa ez da lehentasunezkoa. Koreografia-lengoaiak adostasuna eta aurrez aurrekoa aztertzen ditu, agertzen zaizkigun egoerei erantzuteko, eta horiek dakarten ondorioa aztertzeko.

Piezak barneko hausnarketa eragin nahi du; ezarritako arau, ohitura, agindu eta inposizioak zergatik ontzat hartu naturaltasun eta mendekotasun osoz, eta zergatik segurutzat hartu aurretik ezarritako konponbide eta erantzunak.  

• Koreografia: Judith Argomaniz
• Dantzariak: Jaiotz Osa, Lionel Ah-Sou, Judith Argomaniz
• Musika: David Holmes, Eddie Vedder, Antonio Vivaldi
• Argazkiak: Diego Hernández
• Iraupena: 12 minutu