Kukai: Nire txokotik

Jon Maya dantzariak, Arkaitz Miner biolin jotzaileak lagundurik, bere alderdirik intimoena erakutsiko digu, bere jatorrian eta bilaketa-lanean ibilbidea eginez. Cesc Gelabert, Sharon Fridman eta Israel Galvanen koreografiak interpretatzen ditu. Dantza tradizionaletik dantza garaikiderantz doan bidaia da, beti bi lengoaien artean dagoen harremana sentituz. Koreografiak beren sorkuntzari buruzko azalpen eta pasadizoekin tartekatzen dira.

• Dantzaria: Jon Maya.
• Zuzeneko musika: Arkaitz Miner.
• Koreografia: Cesc Gelabert, Israel Galvan, Jon Maya, Sharon Fridman.
• Koordinazioa eta ekoizpena: Doltza Oar-Arteta.
• Argi-diseinua: David Bernués.