Kresala: A Igarondo

Urtero legez, uztailaren 31n Errenteriako Musika Bandak udaletxe aurreko Herriko plazan ohiko San Inazio Kontzertu entzutetsua eskaintzen du. Aurtengo gonbidatu berezia Donostiako Kresala Dantza Taldea izango da eta bere agerraldia bi zatitan izango da. Batetik, «Zortziko» collage bilduma ezagun batean, eta bestetik «A Igarondo» ikuskizun amaieran eskaintzen den obran. Horrela, bi agerraldi hauekin Kresala taldeak, dantza tradizionalaren munduan mugarriak izan
diren bi koreografo-sortzaile errenteriarrei gorazarre eskainiko die: Jesus Luisa Esnaolari eta Maite Eguigureni adopzioz errenteriarra ere, biek ala biek puntako dantza maisu-maistra iraultzaileak.

Azken batean, bai Jesus Luisa Esnaola (Errenteria 1904, Kanbo 1972), zein Maite Eguiguren (Donostia 1939, Errenteria 2003), XX. mendearen bigarren erdiko aitzindari nabarmenak izan ziren, dantza ikuspegi ireki eta arduratsutik ulertu zutenak etengabeko bilakaeran; lan-ildo koherente, zintzo eta garden bat egin zutenak, inolako aitorpenik espero gabe. Sustraiak ondare tradizionalean landatu zituen dantza-eredu baten loraldia irudikatu zuten, haren etorkizuneko garapena artikulatzeko oinarriak ezartzeko bokazioarekin loratze aldera, nahiz eta, batzuetan, herrialde baten memoriak, iragan hurbileko sortzaile isilenak ahaztuta utzi, historiaren itzalean dagoen oroimen-galeran abandonatuz.

• Musika: Errenteriako Musika Banda

• Zuzendaria: Alain Ayerdi

• Dantza: Donostiako Kresala Dantza Taldea

• Zuzendaria: Faustino Aranzabal

• Dantzariak: María Pérez, Claudia Erentxun, Naia Lertxundi, Izaro Lozano, Enara Lardizabal, IratiMartikorena, Leire De La Hoz, Lide Muniategiadikoetxea, Marina Arruabarrena,Naroa Conde, Beñat Sasiain, Josu Sagardia, Oier Goikoetxea, Manex Lizartza, OierMartikorena, Pablo Zurutuza

• Laguntza: Errenteriako Udala