Jantzi erakusketa: "Kakoletan – Hari eta orratzen balada"

Azken urteetako udetako hitzordu arrakastatsuenetakoa izan dira Maritzuli konpainiak Baionako katedralaren kalostran jarri dituen jantzi-erakusketak ikusgarriak. Iazko hutsunearen ondoren, 2025eko irailean berriz ere euskal tradizio eta historiako jantziz atonduta ageri da katedralaren kalostra. "Kakoletan – Hari eta orratzen balada" izena jarri diote Maritzuliko Jon Olazkuaga eta Claude Iruretagoiena dantzari-jostunek aurtengo erakusketari.

1820 eta 1860 bitartean kokatu duten ibilbidean, hiriko moda irudien ereduak eta probintzietako erabilerak ageri zaizkigu aurrez aurre. Erromantizismoaren garai horretan, moda historiko horien bilakaera eta Baionako eskualdeko eguneroko janzkeran duten eragina agertzen ditu erakusketak, grabatu, akuarela eta artxiboetan gorderiko margolanen interpretazio lan xeheari esker. Lehen turista eta baionar, zein pertsonaia pintoresko edo gure nortasunaren lekukoen arteko begirada joko honek Erromantizisimo garaiko Euskal Herrira eramango du ikuslea.