Horman Poster-enLa Leçon

‘La leçon’ urrun dauden bi kulturatakoak diren bi lagunen arteko topaketa eta solasaldiaren emaitza da. Bata afrikarra da, bestea europarra. Bata senegaldarra, eta bestea euskalduna. Bata beltza, eta bestea zuria. Hitza eta mugimendua, istorioak eta beste bat izateko imitatzen duten gorputzak batzen dituen topaketa. Beste bat izateko ariketa konpultsiboa. Azken batean, antzerkia beste baten plantak egiteko artea izan da beti. Kamuflatzeko margoa.

Matxalen de Pedrok eta Igor de Cuadrak elkarlanean sortutako proiektua da Horman Poster. Agertokirako mintzaira poetiko bat ikertzeko, partekatzeko eta eraikitzeko interesak bultzatuta hasi ziren elkarlanean, orainarekin, beren historiarekin eta beren biografiarekin hizketan ari den begirada abiaburutzat hartuta. Lan honetan Mbaye Senerekin aritzen dira elkarlanean. Griot etniako Senegalgo artista hau Bilbon bizi da, dantza eta perkusioko irakaslea da, eta perkusioko Sapali taldea zuzentzen du beste kide batzuekin batera (Bilbo). Gainera, Touba 44 konpainia sortu zuen Dakarren.

Sorkuntza: Horman Poster.
Antzezpena: Matxalen de Pedro, Igor de Quadra, Mbaye Sene.
Testuak: HORMAN POSTER, Mbaye Sene.
Ekoizpena: Horman Poster.
Jantziteria: Horman Poster, Olatz de Quadra.
Argiak: Horman Poster.
Laguntzaileak: Eusko Jaurlaritza, Urdulizko kultura-zentroa, Muelle 3 danza+creación eta Bilboko BAD Jaialdia, Etxepare Institutua.
Esker onak: Teatro Pradillo, Teatro Ensalle.