Dokumentuaren akzioak
Haurren soka-dantza eta erromeria
Datorren abenduaren 17an, larunbata, haurren soka-dantza eskainiko dute Arkaitz, Kresala eta Eskola dantza taldeetako haurrek eta Donostiako Udal Txistulari Bandak, Donostiako Konstituzio enparantzan, arratsaldeko 18:00etatik aurrera. Eskolako Aitor Lasa eta Kresalako Lander Cerrillo dantzariak soka-dantza osoan zehar aurrez aurre ibiliko dira aurreskulari eta atzeskulari lanetan.
Haurren Soka Dantzaren ondoren, azken urteotan San Tomas inguruan egin ohi den Erromeria izango dugu. Bertaratzen direnek fandango eta arin arinez gain, mutxiko eta bestelako plaza dantzak egiteko aukera izango dute Aitziber Ayesta eta Fernando Ruiz dantzarien laguntzarekin eta Donostiako Udal Txistulari Bandak girotuta.
Dokumentuaren akzioak