Gabonetako Ballet Handia: Intxaur-hauskailua

Eszenografiaren eta jantzien ikusgarritasuna, istorioaren magia, imajinazioz betetako pertsonaiek eta Tchaikovskyren musika unibertsala dela eta, Intxaur-hauskailua lana Gabonetako klasikoa izatera heldu da, ezin hobea txikienentzat zein nagusienentzat.

Haurrentzako ipuinaren itxuran -panpinek bizia hartzen dute Gabon gauean, eta, ondorioz, neskato protagonistak abentura magikoak biziko ditu-, ballet hau Gabonetako espirituaren fabula da, eta galdutako haurtzaroak eragindako nostalgiaz eta nagusien errealitatearen eta umeen ametsezko munduaren arteko talkaz dihardu.

Balleta Tchaikovskyren ezagunenetakoa da, eta Lev Ivanoven jatorrizko koreografia eta Marius Petiparen libretoa dauzka; era berean, Alejandro Dumas aitaren testu batean dago oinarrituta. Azken hori, halaber, Etta Hoffmannen Intxaur-hauskailua eta arratoien erregea izeneko ipuin ospetsuan oinarritu zen.

40 dantzari baino gehiago daude eszenan, eta San Petersburgoko Jacobson Ballet delakoaren ekoizpen paregabe honek benetako ballet erromantikoaren edertasuna eta drama biltzen du; ondorioz, edozein belaunaldiri deigarri egiten zaio, eta, beraz, ikuskizun hau klasiko atenporala da.