Edukira salto egin | Salto egin nabigazioara

Tresna pertsonalak
Hemen zaude: Hasiera Agenda

Dokumentuaren akzioak

Agenda

2018/01/26ko hitzorduak

Csángó: hungariarren musika eta dantza

2018/01/26 20:00 Iruñea, Erraldoien txokoa

Csángó hungariarren musika kontzertua eta bertako dantza tradizionalen plaza-dantza.

Gehiago irakurri

Ele! Lorca-Lauaxeta

2018/01/26 20:15 Zornotza, Zornotza Aretoa

Estepan Urkiaga 'Lauaxeta' eta Federico Garcia Lorca idazleak hartu dituzte oinarri ikuskizun hau prestatzeko. Dantza, musika, testua eta irudiak uztartzen ditu Jon Maia bertsolariak eta Josu Kamara zuzendariak sortutako emanaldiak.
  • Ekoizpena: Karabansarai Produkzioak
  • Gidoia: Jon Maia
  • Zuzendaritza: Josu Cámara
  • Dantzaria, aktorea, kantaria: Ana Salazar
  • Dantza/aktoreak: Arkaitz Pascual, Ángela Carbajo de Lera
  • Aktorea: Jon Maia
  • Flamenkizatu (musika zuzenean): Jesús Prieto "Pitti" (gitarra), Gorka Hermosa (akordeoia)
  • Hizkuntza: Euskara eta gaztelania (testua bi olerkarien jatorrizko lanean oinarritzen da)
  • Iraupena: 90 minutu

Gehiago irakurri

Hitzaldia: Mikel Alberdi: Iztuetatik Mañé y Flaquereraino

2018/01/26 19:00 Donostia, Koldo Mitxelena Kulturunea

XIX. mendeko euskal aisiari begira jartzera gonbidatu nahi zintuzkegu Dantzan Ikasin antolatu dugun hitzaldi berri honen bitartez. Juan Inazio Iztueta jaio zeneko 250. urteurreneko oihartzunak oraindik belarrietan ditugula, halako pertsonaia garrantzitsu bezain enigmatikoaren testuingurua ezagutzea interesgarria iruditu zaigu eta horretaz jarduteko Mikel Alberdi, Zumalakarregi Museoaren dokumentazio arduraduna, ekarriko dugu geure artera.

 "Elorrioko plazan dantzatutako zortzikoa", Eriz. Zumalakarregi Museoa.

Iztueta bera, bereziki, baina baita dantzaren inguruko garaiko beste hainbat testigantzak utzi dizkigutenak kontestuan jarri eta hobeto ulertzeko aukera izango dugu. Zumalakarregi Museoak 2008. urtean heldu zion aisiaren gaiari, Aisiaren aurkikuntza izeneko erakusketa ibiltaria antolatuz. Hitzaldi honetan, orduko hartan gaia nondik nora landu zuten labur adierazi ostean, XIX.mendeko iturriei begira Euskal Herriko aisiaren ezaugarriak aztertuko dizkigu Alberdik.

Bide horretan ezinbestekoa zaigu Juan Inazio Iztuetaren lana aztertzea, baina baita zenbait bidaiari atzerritarren testigantzak –Wilhelm Humboldt, Victor Hugo, Mañé y Flaquer–  eta garaiko irudigileen grabatu eta margolanak. Dantzari arreta eskainiko badiogu ere, pilota, bertsolaritza eta zezenak ere jorratuko ditugu, XIX. mendeko ikonografia ederraren laguntzaz.

Mikel Alberdi Sagardia (Irun, 1962) 

Mikel Alberdi 1

1989tik gaurdaino Zumalakarregi Museoaren dokumentazio arduraduna, XIX. mendeko hainbat gai  aztertu ditu liburu, aldizkari eta hitzalditan, besteak beste, karlistadak, esplorazio bidaiak, aldizkari satirikoak, bandolerismoa eta, bereziki, Euskal Herriari buruzko ikonografia.  

Hitzaldia: Iztuetatik Mañé y Flaquereraino, XIX. mendeko euskal aisiari begirada

  • Hizlaria: Mikel Alberdi Sagardia
  • Data: urtarrilak 26, ostirala
  • Ordutegia: 19:00 – 21.00 
  • Lekua: Koldo Mitxelena Kulturunea (Urdaneta kalea, 9, Donostia) 
  • Sarrera: Dohain*

Gehiago irakurri

Dokumentuaren akzioak

« Abuztua 2018 »
Abuztua
AlAsAzOgOrLrIg
12345
6789101112
13141516171819
20212223242526
2728293031
« Iraila 2018 »
Iraila
AlAsAzOgOrLrIg
12
3456789
10111213141516
17181920212223
24252627282930
« Urria 2018 »
Urria
AlAsAzOgOrLrIg
1234567
891011121314
15161718192021
22232425262728
293031