Dokumentuaren akzioak
Durangaldeko Ezpata-dantzari eguna 2019
Aurtengo Durangaldeko Ezpata-dantzari eguna Berrizen izango da ekainaren 15ean. Egunaren helburu nagusia dantzari-dantza ezagutzera eramatea da, baita Durangaldeko dantzarien urteko topagunea izatea ere.
1967an antolatu zen lehen aldiz Durangaldeko Ezpata-dantzari eguna eta urtero herriz aldatzen da festa, dantzari-dantza eta erregelak egitarauko dantzak izanik. Gerediaga elkarteak antolatzen du Merinaldeko Ezpata-dantzari Eguna, hain zuzen ere Durangaldeko dantzak galtzen ari zirela ikusita bertako errepertorioa sendotzeko asmoarekin. Agintariena, zortzinangoa, ezpata joku txikia, banangoa, ezpata joku nagusia, binangoa, launangoa, makil jokua eta txotxongiloa dira Durangaldeko herrietan dantzari-dantzaren sortan barruan dantzatzen diren dantzak, tokian tokiko xehetasun eta ezaugarriekin. Hona hemen egitaraua:
- 17:30 Dantzariak Olakueta plazan elkartuko dira. Ondoren dantza taldeen argazkiak egingo dira.
- 18:30 Dantzarien kalejira.
- 19:00 Dantzari-dantza eta erregelak dantzatuko dira Legaño auzoan.
- 21:30 Afari herrikoia Legañon.
Dokumentuaren akzioak