Ezpalak jaialdia: soka-dantzak

Duguna eta Kezka dantza taldeek antolatuta, 2015eko maiatzaren 30ean eta 31an burutuko da Ezpalak Dantza Tradizionalaren Nazioarteko Jaialdia Eibarren eta Iruñean.

Aurtengo Ezpalak jaialdiak soka-dantzak izango ditu ardatz eta larunbatean Eibarren ospatuko da. Hainbat izenekin ezagutzen dugu euskaraz eskuz esku egiten den dantza hau: soka-dantza, esku-dantza, aurreskua, zortzikoa, dantza-soka, dantza-luzea, erregelak, bralea, karrika-dantza e.a. Eta izenak bezala, dantzatzeko moduak ere halakoak dira, tokian tokikoa eta garaian garaikoa. Horietako zenbait ikusteko aukera izango dugu aurtengo Ezpalak jaialdian.

19:00etan EZPALAK jaialdia Untzaga plazan. Honako talde hauek hartuko dute parte: 

• Kezka dantza taldea (Eibar, Gipuzkoa)

• Garaiko dantza taldea – Garai (Bizkaia)

• Urtsuko Xoriak – Lekorne (Lapurdi)

• Cinar Elkartea – Ankara (Turkia)

• Larreako herritarrak – Larrea (Araba)

• Duguna dantza taldea – Iruñea (Nafarroa)