Dokumentuaren akzioak
Erakusketa: 75 urte Duguna
Martxoaren 26tik apirilaren 14ra 75 urte Duguna erakusketa Kondestable jauregiko ezkaratzean.
Lau ataletan antolatutako erakusketa atondu dute. Lehenengo atala Kondestable jauregiko ezkaratzean kokatuko da eta dantza taldearen egungo jarduera izanen du hizpide. Toki horretan berean, taldeko belaunaldi ezberdinetako dantzari eta musikariak elkarrizketatuz apailatu dugun ikus-entzunezkoa egonen da ikusgai. Jauregiko patioan kokatuko dira gainontzeko hiru atalak. Lehenengoa, taldearen sorrerari buruzkoa. Bigarrena taldearen bilakaerari buruzkoa, ikuspegi ezberdinetatik begiratuta. Azkena, taldearen lana sozializatzeko manera eta lokalizazio ezberdinak izanen ditu hizpide. Informazio panel ilustratuek osatuko dute erakusketa, batez ere, baina taldearen ibilbidea azaltzen lagundu dezaketen bestelako material fisikoak ere erakutsiko dira. Hiru argazki proiekzioek eta jantzien erakusketa txiki batek borobilduko dute esposizioa.
Ordutegia:
- Aste tartez: 9:00-21:00
- Asteburuz: 9:00-14:00 / 17:00-21:00
- Festa egunetan itxia
Dokumentuaren akzioak