Dokumentuaren akzioak
Entsegu Irekia: En picado
En Picado lan koreografikoaren entsegu irekia. Iker Arruek zuzenduriko Ai Dō Project konpainiraren eskutik. Ikerrek sormen prozesuaren erreferentzia eta ezaugarri esanguratsuenen ibilbide bat aurkeztuko die bertaratutakoei.
En Picado bost dantzari eta bi musikarirentzako sorkuntza da. Musika konposaketa Idoia Hernandez HATXE-k garatu du. Emanaldietan, konposagileak berak eta sorkuntzan parte hartu deun Aitor Zabala, Errenteria Musikal-eko ikasleak interpretatzen dute lehenengoaren konposaketa. Ikerrek sorkuntzaren formatu digitala aurkeztuko du ere aurkezpen honetan. Deskargatu daitekeen aplikazioa da hau, interesa dutenek lanaren esperientzia pertsonalizatua izan dezaten helburuarekin sortu dena. Kamera anitzeko aplikazio honen bidez, erabiltzaileek klik bakarraren bidez, aplikazioan bistaratuko diren 7 kameren artean nabigatzeko eta ikuspuntuak aldatzeko aukera izango dute. Aplikazioa obra eszenikoak pantailan erakusteko beharrari erantzuteko helburuaz sortu da, ez bakarrik pandemia egoeran artea egiteko modua aldatzen ari delako, baita bizitzaren digitalizaziorako joera orokorragatik ere. Formatu digitaleko aplikazioa, HARROBIA, Josu Cobelo eta KENSA PRODUKZIOAK-ekin elkarlanean garatu da, Eusko Jaurlaritzaren babesari esker. (ERD)
Sarrera dohainik izango da. Bi sarrera gehienez pertsona bakoitzeko. Entsegu irekian parte hartzeko nahitaezkoa da erreserba egitea. Plaza-kopurua mugatua da, beraz onarpena izen emate lehentasunaren arabera izango da.
Dokumentuaren akzioak