Dantzaz: Ni espioi

KOLDO MITXELENA Kulturuneko 20. urteko ospakizuna (1993-2013)

"Ni Espioi" Jone San Martin dantzari eta koreografo donostiarraren sorkuntza da, 2013ko maiatzean Dantzaz konpainiarentzat sortutakoa. Jone San Martinek atzerrian, Frankfurt hirian batipat, garatu du bere ibilbide profesionala, Frankfurt Balletean lehenik eta Forsythe Konpainian ondoren.

Erronka hau jarri zioten: hiria eta koreografiak biltzea. Horretarako Forsythe Konpainiako beste hiru lagunekin aritu zen Donostian: Jacopo Godani, Cyril Baldy eta Josh Johnson.
Sorkuntza freskoa eta garaikidea da, kaleko espazioak hartzen ditu eta bertara moldatzen da. Dantzariak eboluzio ezberdinetan murgiltzen dira, batzutan taldean, bestetan bakarka, "voyeur" edo espioi moduan.