Dokumentuaren akzioak
Dantzaz: Atalak 2.0 Matxalen Bilbao eta Eneko Alcaraz
Azkuna Zentroak Dantzaz ekimenaren barruan Matxalen Bilbaok eta Eneko Alkarazek izandako sorkuntzako egonaldien emaitzak aurkeztuko ditu ekainaren 20an, ATALAK 2.0 programaren edizio berrian.
Matxalen Bilbao. Amarrak
Bilboko artistak hauskortasuna eta indarra, segurtasuna eta zaurgarritasuna, intimitatea eta ausardia eskaintzen dizkio ikusleari. Bere koreografian, norbanakoaren eta taldearen arteko harremana lantzen du, bai eta elkartzeko eta ez elkartzeko logikak ere.
Eneko Alcaraz. Bero gabe
Bero gabe lanean Eneko Alcaraz artista gipuzkoarrak hausnarketa egiten du amorruaz, bakardadeaz, mugez eta basakeriaz, koreografiako erregistro desberdinetatik abiatuta, dantza garaikidea zein akrobazia eta partnering-a bateratuz.
ATALAK 2.0 dantza garaikideari buruzko bilaketa, saiakera eta ikerketako espazio bat da, Akitania-Euskadi-Nafarroak eratzen duten Europako eskualdekoa. Proiektu hau batera bultzatu dute Dantzaz, Donostia Kultura, CCN Malandain-Ballet Biarritz, Tabakalera, Dantzagunea, Azkuna Zentroa eta Baluarte Fundazioak.
Dokumentuaren akzioak