Dantzari-dantza: Mintzaldia, ikastaroa eta dastaketa

* Ondare jardunaldiak direla eta dantzarekin lotutako zenbait jarduera daude antolatuta Bizkaian.

Dantzari dantza bederatzi dantza dituen dantza-sorta da, Durangoko Merinaldeko dantza berezia eta ondare immaterial moduan sailkatuta dagoena. Berrizen, bereziki, sustrai oso sakonak ditu. Herriko dantzariek bertako dantza taldeen sorrera edota txistulari garrantzitsuei buruzko xehetasunak emango dizkigute. Azalpenen ostean, Agintariena eta Banangoa dantzatzen ikasiko dugu, eta Berrizko sanpedroetan dantzariek etenaldian edaten duten pontxea dastatuko dugu, udaletxean gordeta dagoen errezeta sekretuarekin eginda.