Dokumentuaren akzioak
Créssida Danza: Represensitive People
Koreografia: Roberto Oliván
Zuzendaritza: Lourdes Luna
Espazio hutsa gizabanakoz betetzen da apurka-apurka. Elkarrekin topo egin eta elkarri begiratu, entzun, elkarri neurria hartzen diote. Epaitzeko asmorik gabe, helbururik gabe. Gizabanakoak dira, ez pertsonaiak. Ez daude forma eta arauen menpe. Egunsentiaren zain daude dantzan, argia abisatu gabe noiz irtengo zain. Bien bitartean, denboraren orratzek atzera jo eta bat egiten dute hasierak eta amaierak.
"Represensitive People"k ikusmira-aldaketa egiten laguntzen du: eszenatokian dagoen gizabanako bakoitzaren sentsibilitate partikularra eta ongizate pertsonala behatu eta horri garrantzia ematea ahalbidetzen du. Gizakia zer den benetan islatzen duten gizabanako horiek zer islatzen duten da gakoa, emozioetatik abiatuta, ditugun emozio bakan horietatik.
Dokumentuaren akzioak