Dokumentuaren akzioak
'Bazen behin...' dantza jaialdia
Apirilak 27an Irrintzi Dantza Taldearen urteko jaialdia ospatuko da, Zumarragan.
Ipuin ikutua izango du aurten, ipuina baina, dantza bitartez irudikatuko da. Kontakizunak bi hari ehunduko ditu: landa eremuari lotutako euskal lanbideak, eta erromeriaren alderik misteriotsuena, sorginen unibertsoa, alegia.
Peru pertsonaiaren dantzek baserri mundua eramango dute taulara; Marirenak, misterioa.
Euskal dantza tradizionalak eta taldekideek berauek sortutako koreografiak uztartuko dira eta ikuskizunera inoiz baino musikari gehiago bilduko da; gehienak Urretxukoak eta Zumarragakoak, baina inguruko herrietako hainbatek ere parte hartuko dute. Pianoa, trikitixa, txalaparta, txistua, baxua, dultzaina, flauta, adarra eta abeslarien ahotsek lagunduko diote dantzari. Guztira, hamar bat musikari eta 80 bat dantzari igaroko da eszenatokitik.
Dokumentuaren akzioak