Ballet Klasiko Internazionala: Intxaur-Kraskagailua

Intxaur-Kraskagailua Gabonetako Klasiko bat da eta ez dago Gabonak baino garai magikoagorik. Ballet hau San Petersburgon estreinatu zen 1892an. Nazioarteko Ballet Klasikoak betiko lan honen bertsio bat eskainiko digu, nazioarteko bakarlari bikainekin eta Eugeny Gurenkoren eszenografia ikusgarriarekin.

Marie igarotzen ari den Gabonetako gau zoragarrian, Drosselmeyerren magiari esker, protagonistak ametsean sagu gaiztoen eta berunezko soldadutxoen borroka ikusiko du, bere intxaur-kraskagailua printze eder bihurtuko da, eta elkarrekin elurrez beteriko lurretan zehar Jauregi Magikoan agertuko dira, non jostailuek bizia hartuko duten eta denek batera sekula ahaztuko ez duten jaiaz gozatuko duten.

Ballet klasikoarekiko maitasuna partekatze eta sustatze aldera, Nazioarteko Ballet Klasikoak Santurtziko Aikoa-María Martín Ballet Eskolako ikasleak sartuko ditu ikuskizunean, ballet klasikoko konpainia profesional bat zer den ezagutzeko aukera paregabea izan dezaten.