Dokumentuaren akzioak
Argia: Ezpata-dantza eta Muriska
Ipuscua 1000 ekimenaren baitan ezpata-dantza plazaratuko da eguerdian eta iluntzean Muriska ikuskizuna.
Muriska
Bi dantza-emanaldi izango dira San Telmo Museoan. Bata 19:30ean eta bestea 20:30ean, eta sarrerak doan eskuragai egongo dira museoan bertan.
Mende erditik gorako ibilbidearen erakusgarria da Juan Antonio Urbeltzek 1991n sortutako Muriska pieza koreografikoa. Oholtzan 70 dantzari eta 15 musikari biltzen ditu Zortziko eta Alakiketan ikuskizunen baitan. Halako jende-kopurua martxan jarri ahal izateko erregai posible bakarra emozioak dira. Doinu eta jantzi ederrei bizia ematen dien dantzari-taldeak berriz ere gorpuztuko du erritu den ikuskizuna.
Drama koreografikoan oinarrituta, euskal munduaren elementu sinbolikoen irakurketa eguneratua eskainiko du Muriska emanaldiak. Eszenaratze harrigarriaren bidez eta Gipuzkoaren musika-ondareaz eta koreografikoaz baliatuz, historia unibertsalak gure ahotsetik kontatzen ditu, emozioak kultura eta identitatearen transmisiorako eta herrigintzarako erabiliz.
Dokumentuaren akzioak
