Amezketako Txantxoak

Amezketako Inauterien protagonistak Txantxoak (mozorrotuak, maskaradunak) izaten dira, berauek inguruko baserriak bisitatzen dituzte bi egunetan zehar Txantxo Dantzak edo Talai Dantza dantzatuaz; bitartean aginaldoak eskatzen dituzte.

Baserrien zeharreko ibilbidea oso luzea da baserri asko baitira. Txantxoak baserri guztietara iritsi daitezen bi taldeetan banatzen dira. Amezketa, Ugarte, Bedaio eta Abaltzisketako baserri batzuk bisitatuko dituzte. Baserri kopurua hain handia da, nahiz eta bi taldeetan banaturik egon askotan baserri batetik bestera joateko kotxeak hartu behar dituztela. Guneak banatzen dituzte eta bi egunetan zehar musika doinuak haran guztian zehar entzun daitezke.

Baserritarrek gustura hartzen dute beraien bisita eta askok edariren bat ematen diete elkarrizketa bat mantentzen duten bitartean. Irabazitako diruarekin bazkari eta afariren bat antolatuko dute.

EGITARAUA:

Martxoak 2, igandea:

• 08:00etan: plaza inguruan, herriko gazteak biltzen dira eta goiz guztian zehar, herrigunean ibiltzen dira TXANTXO DANTZA - TALAI DANTZA dantzatuaz.

Martxoak 3, astelehena:

• 08:00etan: gazteak biltzen dira berriro eta baserriz baserri ibiltzen dira.

Azkenean afaria parte hartzaile guztien artean.